Ambasadori i SHBA-së në Estoni njofton për dorëheqjen, kritikon Trumpin

Ambasadori i SHBA-së në Estoni njofton për dorëheqjen, kritikon Trumpin

Ambasadori i Shteteve të Bashkuara të Amerikës në Estoni, ka njoftuar se do të pensionohet, duke kritikuar ashpër presidentin Donald Trump për komentet e tij lidhur me Bashkimin Evropian dhe NATO-n.

Ambasadori James Melville, që ka shpërbyer si i dërguar i SHBA-së në Talin që prej vitit 2015, përmes një postimi në Facebook bëri publik pensionimin e tij.

Ai ka shkruar se për një kohë të gjatë po planifikonte që të largohej nga detyra, por vendimi i tij për t’u pensionuar është shtyrë nga komentet e fundit publike të Trumpit mbi BE-në dhe kritikat ndaj NATO-s.

“Për presidentin të thotë se BE është ‘krijuar për të përfituar nga SHBA-ja për të sulmuar kursimet tona’ ose se ‘NATO është po aq e keqe sa NAFTA’, nuk është thjesht fakt i gabuar, por mua më dëshmon se është koha që unë të largohem”, ka shkruar Melville.

Ai ka shtuar se pas shërbimit të një mandati të plotë në Talin ka për qëllim të largohet “pasi të jetë konfirmuar pasardhësi im”.

Kritikat e ambasadorit Melville vijnë në kohën kur aleatët evropianë kanë shfaqur shqetësimin e tyre lidhur me qasjen e presidentit Trump ndaj BE-së dhe NATO-s.

Trump ka kritikuar ato që ai i vlerëson praktika të padrejta të tregtisë të BE-së dhe më herët gjatë këtij muaji ka kritikuar tarifat për çelik dhe alumin që kanë vendosur anëtarët e bllokut.

SKA KOMENTE

Lini një përgjigjje