Barca kryen detyrën ndaj Romës, në prag të gjysmëfinales

Barca kryen detyrën ndaj Romës, në prag të gjysmëfinales

Me rezultat 4-1, Barcelona e ka fituar ndeshjen e parë çerekfinale të Ligës së Kampionëve kundër Romës që u zhvillua në Camp Nou.

Mysafirët bënë paraqitje të mirë në minutat e para të takimit, mirëpo Daniele De Rossi bëri një gabim të rëndë duke shënuar autogol (38′).

(Foto: FC Barcelona/Twitter)

Deri në mbyllje të pjesës së parë nuk pati gola të tjera dhe me epërsi minimale, katalunasit shkuan në pushim.

Giallorossët u përpoqën sërish të bënin diçka në gjysmën e dytë, mirëpo një tjetër autogol, këtë herë nga Kostas Manolas (55′), ishte ndëshkimi i radhës për skuadrën italiane.

(Foto: FC Barcelona/Twitter)

Goli i tretë i vendasve u realizua nga Gerard Pique (59′). Portieri Alisson e mbrojti goditjen e Luis Suarez, por aty ishte mbrojtësi spanjoll për të ndëshkuar.

Roma i riktheu shpresat me një gol të Edin Dzekos (80′), i cili shënoi pas asistimit nga  Diego Perotti.

(Foto: AS Roma/Twitter)

Mirëpo, nga një tjetër gabim i mysafirëve në zonë, përfitoi Luis Suarez për ta shënuar golin e katërt të Blaugranëve (87′).

Epërsia e Barcelonës është shumë e lartë, ashtu që është thuajse e pamundur që Roma t’i ndryshojë gjërat në ndeshjen kthyese.

Ndeshja e kthimit zhvillohet pas një jave (10 prill) në Stadio Olimpico.

Enquete de Futebol ®️@EnquetedFutebol

Gol do Barcelona , contra de Di Rossi
Barcelona 1-0 Roma

Paolo Furia@FuriaPartenopea

I fantasmi della goleada , arriva anche il 3° goal del con 3-0

SKA KOMENTE

Lini një përgjigjje