Chelsea fiton ndaj Leicesterit në vazhdime dhe kualifikohet në gjysmëfinale të FA...

Chelsea fiton ndaj Leicesterit në vazhdime dhe kualifikohet në gjysmëfinale të FA Cup

Chelsea ka fituar në vazhdime ndaj Leicester Cityt me rezultat 1-2 dhe kështu u kualifikua në gjysmëfinale të FA Cup.

Ishte një ndeshje e mirë dhe me shumë raste, por në fund më teje vazhduan Blutë dhe atë me meritë.

Në minutën e 28-të Chelsea rrezikoi seriozisht portën kundërshtare, ku Alvaro Morata ishte afër të shënojë, por gjuajti drejt e në Kasper Schmeichel.

Alvaro Morata duke festuar golin ndaj Leicesterit në FA Cup me bashkëvendasin e tij Marcos Alonso (Foto: Getty Images)

Në minutën e 42-të Morata nuk gaboi dhe arriti të shënoi mjeshtërisht pas një pasimit të bukur nga Willian.

Pjesa e dytë filloi me dominimin e vendasve, Jamie Vardi në minutën e 53-të lëshoi një rast të mirë për gol. Vardy përmirësoi gabimin në minutën e 76-të dhe barazoi rezultatin 1-1.

Jamie Vardy duke festuar golin ndaj Chelseat, në festë të bashkangjitur edhe Ben Chilwell dhe Vicente Iborra (Foto: Getty Images)

Schmeichel në minutën e 87-të shpëtoi ‘Dhelprat’ nga humbje, duke bërë një pritje të mirë në Moratan.

Para koha e rregullt përfundoi me rezultat të barabartë, skuadra që do të luajë në çerekfinale u kërkua nëpërmjet vazhdimeve.

Festa e Pedros te goli i fitores ndaj Leicesterit që dërgoi Chelsean në gjysmëfinale të FA Cup (Foto: Getty Images)

Pedro shënoi golin e fitores në minutën e 105-të dhe kështu Blutë u kualifikuan në gjysmëfinale.

Kundërshtari i radhës do të mësohet pas shorit, ndërsa skuadrat tjera të kualifikuara janë: Tottenhami, Manchester Unitedi dhe Southamptoni.

SKA KOMENTE

Lini një përgjigjje