Kosova përfaqësohet në Malt nga 14 vjeqarja Elena Halilaj

Kosova përfaqësohet në Malt nga 14 vjeqarja Elena Halilaj

Festivali ndërkombëtar i këndimit “Euro Stars” që do të mbahet në Maltë nga data 25 deri më 30 prill të këtij viti, do të ketë edhe një pjesëmarrëse nga Kosova.

Është kjo 14 vjeçarja Elena Halilaj, e cila do të marrë pjesë në mesin e 17 shteteve dhe 120 pjesëmarrësve në këtë festival të karakterit garues.

Ajo ka pranuar ftesë nga organizatori dhe drejtori i festivalit, Martin DeGabriele i cili e kishte parë atë duke përfaqësuar Kosovën vitin e kaluar ne Ohër në një festival ndërkombëtar  të quajtur “Tra La La”, përcjell KosovaPress.

Halilaj ndjek mësimet e solo këndimit dhe violinës dhe është në klasën e tretë të shkollës së muzikës “Amadeus”, ndërsa ndjek edhe mësimet në klasën e tetë në “Don Bosko”.

Ky festival i quajtur “Euro Stars” është një mundësi shumë e mirë për këngëtarët e rinj si dhe një privilegj i rrallë për pjesëtarët e industrisë muzikore.

Të gjithë pjesëmarrësit e festivalit kanë pranuar ftesën për të qenë pjesë e tij.

Sipas njoftimit zyrtar, misioni i këtij festivali është përkrahja e talenteve të rinj premtues të cilët dëshirojnë të trajnohen dhe të mësojnë.

SKA KOMENTE

Lini një përgjigjje