Kryeministri do të ketë rol në bisedimet me Serbinë

Kryeministri do të ketë rol në bisedimet me Serbinë

Nënkryetari i Aleancës për Ardhmërinë e Kosovës (AAK), Blerim Kuçi, ka bërë me dije se kryeministri Ramush Haradinaj do të ketë rol në bisedimet me Serbinë.

Në këtë intervistë dhënë për gazetën “Epoka e re”, ai ka thënë se kreu i ekzekutivit së shpejti do t’i takojë liderët e subjekteve parlamentare për të diskutuar për platformën e bisedimeve për fazën finale të dialogut me Serbinë, ku pastaj kjo platformë do të miratohet në Kuvendin e Kosovës.

Sipas Kuçit, procesi i dialogut me Serbinë duhet të jetë jashtë kornizave dhe garës pozitë dhe opozitë.

Ai ka thënë se në raport me këtë proces të gjithë duhet të jenë unikë.

Duke folur për kërkesën e opozitës për zgjedhje të reja, Kuçi ka theksuar se kërkesa e opozitës për zgjedhje të reja është e zbrazët karshi kërkesave që ka tani Kosova.

SKA KOMENTE

Lini një përgjigjje