Ministri i Financave: Pagat rriten për 4 për qind, skemat sociale për...

Ministri i Financave: Pagat rriten për 4 për qind, skemat sociale për 20 për qind

Ministri i Financave Bedri Hamza, deklaroi se buxheti i Kosovës për vitin 2018 është buxhet që bazohet në të hyrat reale që do të jenë në vijnë nga disa shtylla.

“Projektet më të mëdha e zënë ato kapitale, ku përshihet vazhdimi i ndërtimit të Autostradës për Shkup, Gjilan, rruga për Pejë, Mitrovicë etj. Ka hapësirë për projekte e tjera”, tha ai sonte në RTK.

Sipas tij në këtë buxhet parashihet të kemi investime në sundim të rendit dhe ligjit, ku do të ketë edhe shtim të punësuarve në këtë sektor. I pari i financave, theksoi se do të Kosova për vitin 2018, do të ruan stabilitetin financiar që është vlerësuar edhe nga akterët ndërkombëtar.

Ai bëri me dije se buxheti i investime kapitale është shpenzuar mbi 90 për qind në vitin e kaluar. Hamza ka kërkuar që organizata buxhetore, apo institucionet e Kosovës, duhet që kur të bëjnë kërkesa për të investuar, duhet që t’i kryejnë punët, si ndarjen e parcelës, etj.

Hamza ka paralajmëruar që do të ketë investime në hekurudhën e Kosovës. “Kemi projektin e hekurudhës që financohet nga disa institucione të huaja ndërkombëtare, ky projekt do të fillojë këtë vit”, deklaroi ai.

Për buxhetin e komunave, Hamza, tha se këtë vit është rritur buxheti për ta me mbi 50 milionë euro.

“Nuk ka diskriminim të komunave, në Kosovë, ka nevojë për shumë investime. Këtë vit kemi qenë mjaft përkrahës për furnizim me ujë”, theksoi Hamza.

Ai bëri me dije se të punësuarit në Kosovë do të marrin pagat me rritje për muajin janar.

“Është rritje e pagave për të gjithë prej 4 %. Ne kemi legjislacionin në fuqi që lidhet me rritjen e pagave. Rritja e pagave shkon me rritjen ekonomike e cila ndërron për çdo vit, pra ajo rritet”, tha Hamza.

Ai vlerësoi se këtë vit do të ketë rritje më të madhe për skemat sociale. “Familjet në skemat sociale do të marrin 20 % të rritjeve”, theksoi Hamza.

SKA KOMENTE

Lini një përgjigjje